Бөек Җиңү көне белән авыл җирлеге территориясендә яшәүче тыл хезмәтчәннәрен, толларны котладылар. Ветераннарны өйләренә барып котлау матур традициягә әверелде. Кызганычка каршы, алар елдан-ел кими бара, җиңүчеләр буыны бездән читкә китә.
Хәзерге вакытта Борындык авыл җирлеге территориясендә 5 тол һәм 18 тыл хезмәтчәне яши. Җиңү көнендә аларның һәркайсын да игътибарсыз калдырмадылар. Барысын да бәйрәм белән котладылар, нык сәламәтлек, озын гомер теләделәр һәм ТР Президенты Р.Н.Миңнехановның, район башлыгы А. И. Рәхмәтуллинның котлау открыткаларын тапшырдылар. Хезмәт ветераннары җылы котлаулар һәм игътибар күрсәткәннәре өчен рәхмәт белдерделәр.

«Хөрмәтле Бөек Ватан сугышы ветераннары, тыл хезмәтчәннәре!Сезне бөтенхалык бәйрәме – фашист илбасарларын Җиңүнең 75 еллыгы белән котлыйм.Вакыт бары тик совет халкы тарафыннан кылынган батырлыкның бөеклеген арттыра, ул безнең йөрәкләрдә мәңге яшәр! 9 Май-кешелек тарихында иң куркыныч һәм канкойгыч сугыш тәмамлануны символлаштырган бөтенхалык бәйрәме генә түгел, ул күпмилләтле илнең күпмилләтле халкының ныклыгы, батырлыгы һәм рухының бөеклеге символы. Җиңү безгә чиксез югалтулар: дистәләгән миллион һәлак булган, меңләгән яндырылган шәһәр һәм авыллар, җимерелгән фабрика һәм заводлар, юкка чыгарылган мәдәният һәйкәлләре. Без ветераннар алдында баш иябез һәм аларның батырлыкларын беркайчан да онытмабыз. Кадерле ветераннарыбызга сәламәтлек һәм иминлек, барыбызга да – тыныч күк йөзе һәм иҗади хезмәт шатлыгы телим»

Бөек Ватан сугышында җиңүнең 75 еллыгы алдыннан Кайбыч районында "Георгий тасмасы"акциясе старт алды. Волонтерлар куркынычсызлык кагыйдәлә рен үтәп, тасмалар тараталар.

1941-1945 еллардагы Бөек Ватан сугышында җиңүнең 75 еллыгы алдыннан "СЛ-Молоко"ҖЧҖ компаниясе" янәшәдә ярдәм! Ярдәм Яңа"! Алар Бөек Ватан сугышы ветераннарына һәм ветераннарның тол хатыннарына үз продукциясе белән азык-төлек пакетлары әзерләгән иде. Волонтерлар көче белән барлыгы 49 азык-төлек пакеты тапшырылды. Борындык авыл җирлеге территориясендә Бөек Ватан сугышы ветераннарының тол хатыннары Абдрахманова Әминә Әхмәтгали кызы, Кәримова Минкамал Галиәскәр кызы һәм Фатыйхова Фәйрүзә Гәрәй кызы, Габидуллина Разыя Тимергази кызы һәм Хәмидуллина Рәхилә Сәләх кызы пакетлар алдылар, алар тәмле файдалы продукция өчен "СЛ - Молоко" ҖЧҖ компаниясенә зур рәхмәт белдерделәр.

Бүген Борындык авылында яшәүче Хуҗина Дания Әкмәл кызы  үзенең матур юбилеен билгеләп үтә. Шушы сиксән ел эчендә сезгә һәрвакыт шундый чәчәк атучы, елмаюлы һәм шат күңелле хатын-кыз булып калуыгызны телибез! Сәламәтлек сынамасын, ә иң теләкләр тормышка ашсын! Балаларыгыз, оныкларыгыз, оныкчыкларыгыз сезне бик яратсыннар һәм ешрак хәл-әхвәлләрен белешеп торсыннар! Тормышыгызның һәр мизгелен бәхет беркайчан да ташламасын өчен мәгънә һәм шатлык белән тутырыгыз!

Татарстанда 4 балалы гаиләләргә бушлай азык-төлек җыелмалары китерелә башлады. Аларны «Ярдәм янәшә» республика хәрәкәте волонтерлары алып килә. Беренче җыелмалар «Магнит» һәм Coca Cola компанияләре тарафыннан формалаштырылды.
Бүген Кайбыч районына «Ярдәм янәшә» республика хәрәкәте кысаларында 240 ашамлыклар җыелмасы китерелде.

Азык-төлек алучылар исемлеге Татарстан Республикасы хезмәт, мәшгульлек һәм социаль яклау министрлыгы тарафыннан билгеләнгән. Җыелмага карабодай ярмасы, макарон, он, куертылган сөт, кәнфит, яшел борчак, алма нектары, көнбагыш мае, консервлар, чәй, шикәр комы һәм вафли керә.

Азык-төлекне алучылар исемлегендә-җан башына уртача яшәү минимумыннан түбәнрәк булган ялгыз пенсионерлар , 8 яшьтән өлкәнрәкләр һәм әти-әниләре шәхси эшмәкәрләр булган яки пандемиядән зыян күргән тармакларда үзмәшгульлек сыйфатында теркәлгән балалар.

Моннан тыш, җан башына уртача яшәү минимумыннан түбәнрәк керемле гаиләләргә керәчәк, анда ата-аналарның берсе алимент түләүдән кача, опекуннар һәм социаль куркыныч хәлдә булган гаиләләр дә.

Беренче җыелмаларны инде бүген үк гаиләгә тапшырачаклар. 2 көн дәвамында бу ашамлыклар җыелмасы таратылачак.

Аерым атмосферага үтеп кергән бу көн. Ул тормышның яңаруын һәм һәр кешенең, һәр гаиләнең, бөтен дәүләтнең иминлеген тәэмин итә торган иҗади хезмәткә хөрмәтен гәүдәләндерә.

Бу якты көндә районыбызны үстерүгә һәм төзекләндерүгә намуслы хезмәтләре белән өлеш керткән , хезмәт традицияләрен арттырган барлык кешеләргә рәхмәтемне җиткерәм. Бүген дә һәрберебезнең хезмәтенә ихтыяҗ зур булсын һәм лаеклы бәя бирелсен!

Сезгә чын күңелдән шушы язгы көннәрдә яңа күңел күтәренкелеге һәм уңай үзгәрешләр башлану, нык сәламәтлек, бәхет, тынычлык, һәр гаиләгә иминлек телим!

Ихтирам белән, Кайбыч муниципаль районы башлыгы А.И. Рәхматуллин.

Кайбыч районы прокуратурасы үз җирлегендә яшәүче хатын-кызның сәламәтлегенә авыр зыян китерү турында җинаять эшен судка җибәрде

Кайбыч районы прокуратурасы РФ Җинаять Кодексының 111 маддәсенең 2нче өлешендә каралган (корал сыйфатында кулланыла торган предметны кулланып кеше гомеренә куркыныч зыян китерү) җинаять кылуда гаепләнүче 53 яшьлек ханымга карата гаепләү карарын раслады.

Тикшерү версиясе буенча, 2020 елның гыйнварында Кайбыч районының Плитәнә бистәсендә исерек хәлдә, авылдашы белән кинәт килеп чыккан конфликт вакытында, өстәлдән кухня пычагын алып, зыян күрүченең корсагына бер тапкыр җәрәхәт ясый.

Нәтиҗәдә, зыян күрүчегә корсак стенасының уң як яраланган ярасы рәвешендә тән җәрәхәте китерелгән, ул сәламәтлеккә авыр зыян буларак бәяләнә.

Гаепләнүче үз гаебен тулысынча таныды.

Гаепләү карарын имзалаганнан соң, җинаять эше, асылда, карап тикшерү өчен, Кайбыч район судына җибәрелде.

Кайбыч районы прокуроры

Сөләйманов Алмаз Ренат улы

э. т. 89047165096

Бүген Борындык авылында яшәүче Хәбибуллина Сатыйра Зарифҗан кызы  үзенең матур юбилеен билгеләп үтә. Шушы сиксән ел эчендә сезнең һәрвакыт матур чәчәк атучы, елмаюлы һәм шат күңелле хатын-кыз булып калуыгызны телибез! Сәламәтлек сынамасын, ә иң мөһиме, теләкләр тормышка ашсын! Балаларыгыз, оныкларыгыз, оныкчыкларыгыз сезне бик яратсыннар һәм ешрак хәл-әхвәлләрегезне белешеп торсыннар! Тормышыгызның һәр мизгелен, бәхет беркайчан да ташламасын өчен, мәгънә һәм шатлык белән тутырыгыз!

2020 елның маенда алда торган бәйрәм һәм ял көннәре булу сәбәпле пенсионерларга пенсия түләү графигына үзгәрешләр кертелә. Бу хакта Россия Пенсия фондының Татарстан Бүлекчәсе хәбәр итә.

“Татарстан почтасы” Федераль Почта элемтәсе Идарәсе пенсияләрне вакытыннан алдарак түбәндәге көннәрдә китерәчәк:

3-5 май көннәрендә бирелә торган пенсияләр 2020 елның 2 маенда, почта элемтәсе бүлекчәсенең  эш режимында китереләчәк;

9 май көне китереләсе пенсияне пенсионерлар 7-8 майда алачак;

Калган көннәрдә пенсияләр графигы буенча, Татарстан почта элемтәсе бүлекчәсенең эш режимын исәпкә алып түләнәчәк.

Кредит оешмалары аша түләнә торган пенсия Һәм башка социаль түләүләр расланган график буенча җибәреләчәк.

Почта элемтәсе аша пенсия алуга кагылышлы сораулар буенча үз участогыгыздагы хат ташучыга, яисә сезгә хезмәт күрсәтүче почта элемтәсе бүлекчәсенә мөрәҗәгатҗ итәргә мөмкин. 8-800-100-00-00 телефоны буенча Россия Почтасының кайнар линиясенә дә шалтырата аласыз.

Россия Пенсия Фондының Татарстан Республикасы буенча бүлекчәсенең контакт – үзәге (843) 279-27-27

Кайбыч булекчэсе –(884370)-21-0-74            

Интернет-ресурслар www.pfrf.ru , sprrt.ru

        www.vk.com/pfr_rt,

        www.facebook.com/pfrrt,

        www.twitter.com/PFR_TATARSTAN

    www.ok.ru/group/58408636907571

Пенсия фондының Татарстан Республикасы буенча булекчәсе Пресс – хезмәте (843)279-2513.