2019 елның 1 апрелендәге 49-ФЗ номерлы Федераль закон нигезендә пенсиягә социаль өстәмә күләмен исәпләү механизмы үзгәрә. Пенсияләрне һәм айлык акчалата түләүләрне индексацияләү пенсионерның яшәү минимумын исәпкә алып башкарылачак. Бу үткәрелә торган индексацияләр нәтиҗәсендә өстәмә пенсиянең агымдагы күләменә һәм айлык акчалата түләүгә түгел, ә төбәктәге пенсионерның яшәү минимумы дәрәҗәсендә тәэмин ителә торган пенсионерның гомуми түләүләренә билгеләнәчәк дигән сүз.

      Элегрәк түләү индексациясе пенсионерның яшәү минимумын исәпкә алмыйча башкарылган, шуңа күрә һәр яңа индексация пенсия күләмен арттырган һәм яшәү минимумына кадәр социаль өстәмә күләмен пропорциональ рәвештә киметкән. Мондый тәртип индексациядән соң да пенсионер тарафыннан алына торган түләүләрнең күләме үзгәрешсез кала алуына китергән.

      "Хәзер закон башта пенсионерның кеременең гомуми күләмен яшәү минимумына кадәр җиткерергә, аннары пенсия индексациясен үткәрергә мөмкинлек бирә. Шул рәвешле, индексация нәтиҗәсендә өстәмә акча Татарстанда пенсионерның яшәү минимумыннан тыш түләнәчәк, ә пенсионерга түләүләрнең гомуми күләме агымдагы елда пенсия һәм ЕДВ индексациясе нәтиҗәләре буенча арттырылган суммадан һәр елда ПМПдан югарырак булачак», - дип билгеләп үтте Россия Пенсия фондының ТР буенча бүлеге идарәчесе Эдуард Вафин.

     Пенсия суммасы һәм ЕДВ Пенсиягә федераль социаль өстәмә күләмен билгеләгәндә пенсионерны Матди тәэмин итүнең гомуми суммасын санау һәм аларның күләмен индексацияләү пенсиягә социаль өстәмә күләмен киметергә тиеш түгел.

       Яңа тәртип, шул исәптән агымдагы елның гыйнварында узган иминият пенсияләрен индексацияләү дә таратылачак. Әлеге үзгәреш 83 меңгә якын татарстанлыга, шул исәптән 296 -кайбычлыларга кагылачак. Түләүләрне яңадан исәпләү берсүзсез узачак, шуңа күрә пенсионерларга Россия Пенсия фондына мөрәҗәгать итәргә һәм нинди дә булса гариза бирергә кирәкми.

   2019 елда иске исәп-хисап: Пенсия күләме – 5105,00 сум.

2019 елның 1 гыйнварыннан пенсияләрнең индексациясен исәпкә алып, 7,05 % - 359,90 сум тәшкил итә. = 5464,90 сум.

ЕДВ индексациясен исәпкә алып, 1.02.2019 елдан 2073,51 сум *4,3% ка - 89,16 сум = 2162,67 сум.

Пенсионерның кереме 5464,90 сум пенсия + 2162,67 сум ЕДВ = 7627,57 сум, бу 2019 елга Татарстан Республикасында билгеләнгән пенсионерның яшәү минимумыннан (8232 сум) кимрәк, шуңа күрә алучыга федераль социаль өстәмә (ФСД) 604,43 сум билгеләнгән.

Нәтиҗәдә, ФСД хезмәте күләме 449,06 сумга кимегән, пенсия һәм ЕДВ индексациясе аркасында пенсионерның гомуми кереме ПМП – 8232 сум чикләрендә калган.

2019 елдан яңа исәп хисап федераль закон нигезендә пенсия һәм ЕДВ индексациясе белән бәйле рәвештә ФСД күләмен киметмәскә тәкъдим итә:

Пенсия күләме-5105,00 сум.

ЕДВ күләме-2073,51 сум.

Пенсия индексациясе күләме -359,90 сум.

ЕДВ индексациясе күләме -89,16 сум.

2019 елда пенсионерның яңа тәртип буенча гомуми кереме булачак:

5105,00 + 359,90 +2073,51 + 89,16 +1053,49 = 8681,06 сум.

ФСД күләме -1053,49 сум.

Февраль аенда 449,06 сумга арттыру (иске тәртип белән чагыштырганда).

ПЕНСИЯ ФОНДЫНЫН кайнар линиясе 8-800-600-44-44

ТР буенча Россия Пенсия фонды Бүлегенең Контакт-үзәге (843)279-27-27

Интернет-сайтлар www.pfrf.ru , sprrt.ru

  www.vk.com/pfr_rt,

   www.facebook.com/pfrrt,

   www.twitter.com/PFR_TATARSTAN

   www.ok.ru/group/58408636907571

ТР буенча Пенсия Фондынын матбугат хезмәте (843)279-25-13 pressa.pfr@gmail.com

      Бүген район Советы һәм Башкарма комитетының актлар залында Кайбыч муниципаль район башлыгы Альберт Рәхмәтуллин җитәкчелегендә оешма һәм учреждение җитәкчеләре, авыл җирлекләре башлыклары катнашында киңәшмә узды.
          Әлеге киңәшмәдә узган ике атнага йомгак ясадылар, Россия Эчке эшләр министрлыгының Кайбыч районы буенча бүлеге начальнигы урынбасары Марат Идрисов, Кайбыч үзәк район сырхауханәсенең баш табибы Гөлнара Сафиуллина, укыту-методик эш буенча җитәкче урынбасары Светлана Петрованың чыгышларын тыңладылар.

        "2019 елда санитар-экологик икеайлык үткәрү турында" доклады белән башкарма комитеты җитәкчесе Алексей Макаров чыгыш ясады.

         Киңәшмәдә район мәгариф көненә багышланган бәйрәм үткәрү, туган якны өйрәнү музее ачылу, язгы ташу чорында район хезмәтләренең әзерлеге һәм башка мәсьәләләр каралды.

 2019 елның 12 апрелендә хезмәт мәсьәләләре буенча халык өчен «кайнар линия» телефоны эшләячәк, аның кысаларында Татарстан Республикасында Кеше хокуклары буенча вәкаләтле вәкил аппараты хезмәткәрләре, Татарстан Республикасында Дәүләт хезмәт инспекциясе һәм Татарстан Республикасы һөнәр берлекләре федерациясе хезмәткәрләре гражданнарга хезмәт хокукларын яклау мәсьәләләре буенча консультация бирәчәкләр.

         "Кайнар линия" 2019 елның 12 апрелендә 09.00-17.00 сәгатьтә узачак, телефон: (843) 236-00-71.

Татарстан Республикасы буенча:
Алмашынучан болытлы һава.
Явым-төшемсез.
Җил төньяк-көнчыгыштан секундына 8-13 метрга кадәр, төнлә урыны белән көчәйгәндә 18 метрга кадәр.   
Төнлә минималь һава температурасы -4..+1º,
Көндез максималь һава температурасы +3..+8 .º

Кичә 25 нче март көнне  Совет һәм Башкарма комитетның актлар залында авыл җирлеге башлыклары,  терроризмга каршы комиссия әгъзалары катнашында утырыш булып узды. Утырыш эшендә район башлыгы Альберт Рәхмәтуллин һәм район башлыгының коррупциягә каршы көрәш буенча ярдәмчесе Фәния Петухова катнашты.

          Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча идарәсенең Яшел Үзән территориаль бүлеге хәбәр иткәнчә, республикада 2019 елның 19 мартыннан 19 апреленә кадәр туберкулезны профилактикалау һәм иртә ачыклау буенча киң чаралар үткәрерү планлаштырган.

           Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча идарәсенең Яшел Үзән территориаль бүлеге туберкулезга даими тикшерү кирәклеге турында искә төшерә һәм Кайбыч муниципаль районы халкын флюорография тикшерүен узарга чакыра.

           Исегезгә төшерәбез, мәҗбүри флюорография тикшерүен ике елга бер тапкыр 15 яшькә җиткән барлык затлар үтәргә тиеш.
 

          21 март көнне район Советы һәм башкарма комитетының актлар залында эшмәкәрләр җыелышы булып узды. Җыелыш эшендә Татарстан Республикасы буенча 8 нче Федераль салым хезмәтенең районара инспекциясе вәкиле Андрей Зайков, район башлыгы урынбасары Рәмис Хәялиев, башкарма комитеты җитәкчесенең икътисад мәсьәләләре буенча урынбасары Эльвира Заһидуллина катнашты.

          Җыелышта 4 мәсьәлә карап тикшерелде: фискаль мәгълүматлар операторлары аша салым органнары адресына мәгълүматларны тапшырмыйча контроль-касса техникасын куллану (автоном режимда); Яңа үзмәшгуль законга күчүнең ирекле тәртибе - "һөнәри керемгә салым" салым махсусрежимы; 2019 елның 1 гыйнварыннан хезмәткә түләүнең минималь күләме (МРОТ) аена 12 мең сумга кадәр; район һәм Татарстан Республикасы бюджетына салым түләүләрен үз вакытында күчерү.

    Кайбычта, бөтен республика кебек үк, 19 март көнне бердәм түләүсез юридик ярдәм көне узачак. Бу көнне гражданнарны пенсия фонды идарәсенең клиентлар хезмәте җитәкчесе Гөлчәчәк Зиннурова 8.00 сәгатьтән 9.30 сәгатькә кадәр, суд приставы Илнур Шәкүров - 9.30 сәгатьтән 11.00 сәгатькә кадәр, нотариус Ирек Гафуров 11.00 сәгатьтән 12 сәгатькә кадәр кабул итәчәк. сәгать, «ТР БТИ» АҖ Кайбыч бүлекчәсе җитәкчесе Фәнүс Сөнгатуллин — 12.30 сәгатьтән 14.00 сәгатькә кадәр, адвокат Ильяс Гыйсмәтуллин — 14.00 сәгатьтән 15.30 сәгатькә кадәр.

           Кабул итү Олы Кайбыч авылы, Кояшлы бульвар урамы, 7 нче йорт адресы буенча «Бердәм Россия» партиясенең җирле бүлекчәсенең җәмәгатьчелекне кабул итү бүлмәсендә узачак. Белешмәләр өчен телефон: 88 (4370)2-16-42.

        Бердәм исәпләү үзәгеннән җибәрелүче квитанцияләр ТР Дәүләт хезмәтләре порталында да бар. Авыл җирлеге башкарма комитетлары йортларда теркәлүчеләр турындагы мәгълүматлар базасын төбәк операторына, ул исә үз чиратында аларны Бердәм исәпләү үзәгенә тапшырган. Олы Кайбыч авыл җирлегеннән кала, барлык 16 җирлектә яшәүчеләр аерым квитанцияләр алачак. Ә Олы Кайбыч, Иске Чәчкаб, Афанасьевка һәм Симәки халкына ул судан файдаланган өчен торак коммуналь хуҗалыгыннан җибәрелүче түләү квитанцияләре белән бергә киләчәк. Әгәр дә квитанцияләрдә теркәлүчеләр саны дөрес күрсәтелмәгән булса яки башка сораулар килеп туса, бу хакта авыл җирлегенә хәбәр итәргә кирәк. Аларны якын арада төзәтәчәкләр. Сугыш ветераннарына, сугышта катнашучыларның тол калган хатыннарына, аз керемле, күп балалы гаиләләргә, инвалидларга субсидия¬ләр каралган. Алар социаль яклау бүлеге тарафыннан биреләчәк.

Бүген, Шүширмә авылында гомер итүче Җамалова Дания Гусман кызы - 55 яшьлек юбилеен бәйрәм итә.Xөрмәтле Дания апа! Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, туганнарыңның, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез.