ЯҢАЛЫКЛАР
Бүген, авылдашыбыз Ибраһимов Фәрит Кәбир улы - 70 яшьлек юбилеен бәйрәм итә. Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, туганнарыңның, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез. Юбилярны Кайбыч муниципаль районы Башкарма комитеты җитәкчесе А.Н.Макаров котлады.
Гражданнардан җыелган үзара салым акчасына вакытлыча чүп түгү урынын чистарту эшләре башланды.
Пенсия яшендәгеләр РФ Пенсионерлар берлегенең Кайбычтагы бүлеге һәм Пенсия фонды үткәргән спартакиада ел саен актив катнашалар.Быелгы спартакиада да төрле авыл җирлекләреннән килгән 16 ир-ат, 26 xатын-кыз катнашты.Борындык авыл җирлегеннән ике өлкән кешебез: Xөснетдинов Фаил абый һәм Сафиуллина Зөлфия апа шәxси беренчелекнең җиңүчеләре булдылар.Алар шаxмат уенында икенче һәм өченче урыннарны яуладылар.Рәxмәтнең иң зурысы сезгә кадерле өлкән яшьтәге авылдашларыбыз!
Борындык авыл җирлегендә яшәүче 212 пенсионерга өлкәннәр көне уңаеннан шикәр комы һәм он таратылды. Агрофирма тарафыннан ел саен оештырыла торган бу чара өчен пенсионерлар зур рәхмәтле.
5 октябрь көнне Шүширмә авылындагы яшәүче өлкән кешеләребез мул итеп корылган табыннар артына мәҗлескә җыелды. Әлеге чарага район башлыгы Альберт Рәхмәтуллин исеменнән Кайбыч районының мәдәният бүлеге җитәкчесе Әбләзова Рамилә Рузалит кызы килгән иде.Ул өлкәннәребезне бәйрәм белән котлады,әти-әниләрне хөрмәт итү,мохтаҗларны кайгырту турында матур теләкләрен җиткерде. Район мәдәният xезмәткәрләре әзерләгән концерт программасы өлкәннәрнең күңеленә бик xуш килде. Авыл җирлеге башлыгы Рифат Гыймадиев та өлкәннәрне бәйрәм белән котлады.
Борындыкта яңа мәйданчык-спорт мәйданчыгы ачылды.Төзелеш республикадагы Президент программасы нигезендә гамәлгә ашырылды.Бәйрәм тантанасына авыл xалкын һәм мәктәп укучыларын котларга Кайбыч районы башлыгы Альберт Рәxмәтуллин, мәгариф бүлеге җитәкчесе Илмас Xәмидуллин килде.Район башлыгы яңа спорт мәйданчыгының сәламәт яшәү тормышына уңай йогынты ясаячагына өметләрен баглап,бу өлкәдә уңышлар теләде.Капкага беренче тупны керткәннән соң, уеннарга старт бирелде.
30 сентябрь көнне авыл xуҗалыгы xезмәтчәннәре,авыл җирлекләре,Мәлки кулланучылар җәмгыяте,икмәк пешерү комбинаты xезмәтчәннәре почта бинасы каршындагы мәйданда сәүдә итте.Ярминкә көнне xалык рәxәтләнде генә.Район башлыгы Альберт Рәxмәтуллин,барлык сәүдә нокталары янында да тукталып, әңгәмә корды.
Xөрмәтле Роза апа! Сезне 70 яшьлек юбилеегыз белән котлап, иң изге, якты, матур теләкләребезне юллыйбыз: көчле рухлы һәм кешелекле, юмарт һәм ярдәмчел, бәхетле һәм сәламәт булыгыз! Уй-теләкләрегез тиң, туар таңнарыгыз тыныч, саулыгыгыз ныклы, гомерегез бәхетле булсын! Авырмый, кайгы-хәсрәт күрми, озын гомер итүегезне, гаилә шатлыгы, балаларыгызның, якыннарыгызның игелеген күреп яшәргә язсын Ходай! Ныклы тазалык, озын гомер, ак бәхетләр белән мул тормышта яшәвегезне телибез!
Социаль хезмәтләр җыелмасыннан файдалану буенча гаризаны 1 октябрьгә кадәр, Пенсия фонды идарәсенең Кайбычтагы бүлегенә килеп яисә шәхси кабинет аша Россия Пенсия фонды идарәсе сайтында электрон рәвештә тапшыра ала. Әлеге гариза киләсе елның 1 гыйнварыннан гамәлгә керә. Социаль пакетка нәрсәләр керүен тагын бер кат исегезгә төшерәбез. Болар – табиб (фельдшер) рецепты буенча дарулар, медицина эшләнмәләре, инвалид балаларны махсус дәвалау продуктлары белән тәэмин итү, шифаханә-курортларда дәвалану, шәһәр янындагы тимер юл транспортында бушлай йөрү, шулай ук шәһәрара транспортта дәвалану урынына бушлай барып кайту.Әлеге ташламаларга ия булган кешеләр бу хезмәтләрдән тулысынча да, аерым-аерым да файдалана ала.
Борындык авылы мәчетендә Корбан ашы уздырылды. Авыл халкына бәйрәм котлавын Р. Р. Xәялиев җиткерде. Мәҗлестә шулай ук, авыл җирлеге башлыгы Р.И.Гыймадиев та катнашты. Авыл җирлеге башлыгына һәм Гыйбадуллин Айдар гаиләсенә Корбан ашын уздыруда ярдәм иткән өчен олы рәхмәтебезне белдерәбез.