ЯҢАЛЫКЛАР
Борындык авылы җирлегендә авыл халкы соравы буенча урамнарда электр линияләренә комачаулый торган агачларны кисә башладылар. Бу эшне Кайбыч подстанциясе эшли башлады, халык бу эшкә бик уңай карый чөнки аз гына җил булса да утлар сүнә иде.
Кайбыч районының еллык отчет җыелышында Фәрит Хәйруллович Мөхәмәтшин Борындык авылында яшәүче Хөснетдинов Радикка авыл хуҗалыгының атказанган механизаторы дигән мактаулы исем бирде һәм Ахмәтҗанова Гөлзадага президент Миңнехановның рәхмәт хатын тапшырды. Борындык авыл халкы бу алдынгыларыбыз белән бик горурлана.
12.02.2014. Казан шәһәрендә гадәттән тыш хәлләр буенча укулар булып узды, Борындык авылы җирлеге башлыгы Рифат Гыймадиевта укуда булды.
Борындык авылында күңелсез хәл булды, 11.02.2014. иртәнге сәг. 3тә Гафиятуллин Артур Сөләймановичның кибете яна башлады.Янгын сүндерергә Кайбычтан һәм Федоровскийдан янгын сүндерү машиналары килделәр, аларга Шүширмә авылыннан су бочкасы таккан трактор ярдәмгә килде. Авыл халкы өчен бу бик күңелсез хәл булды.
Борындык авылы җирлегендә Бөтен Россия чаңгы ярышы булып узды.Анда балалар да өлкәннәр дә бик теләп катнаштылар. Борындык авылы клубы буенда халык бик күңелле ял итте.
Борындык авылының мәчет ягы урамнары; Ленин урамы, К.Марксурамы, Җиңү урамы, А.Кутуй урамнары рубильникның автоматы янып чыгу сәбәпле сусыз калдылар, бүген кичкә төзәтеп суны җибәрергә тырышабыз.
Борындык авылы җирлегенең 1-февральдә 2013елга эшләнгән эшләргә нәтиҗә ясау өчен халык җыелышы булып узды. Җыелышта район башлыгы Алҗберт Рахматуллин һәм аның ярдәмчесе Хәялиев Рәмис катнашты. Шулай ук җыелышта төрле оешмаларның җитәкчеләре катнашты. Ел буе эшләнгән әшләрне канәгәтләнерлек дип белдерделәр.
Борындык авылы жирлегендә, Шүширмә авылының “Яңа юл” хуҗалыгында 2013 елга эш нәтиҗәләре буенча еллык отчёт җыелышы булып узды. Хуҗалык рәисе Рамил Тимуршин барлык эшчеләргә дә үзенең рәхмәтен белдереп бүләкләр таратты, алдынгыларга зур бүләкләр бирелде. Җыелышта район башлыгы урынбасары Рәмис Хәялиев һәм авыл җирлеге башлыгы Рифат Гыймадиев катнашты.